ഇളം വെയിലിൻ പരിരംഭണത്തിൽ 
കവിൾ തുടുത്ത പൂവിനെ നോക്കി 
പുഞ്ചിരിക്കുന്ന പൂമ്പാറ്റയുടെ 
ഹൃദയം മന്ത്രിച്ചു ....
എനിക്ക് നിന്നോട് പ്രണയമാണ് ..
ഞാൻ അറിയുന്നു നിന്നിൽ 
നിറയുന്ന പ്രണയത്തിൻ സുഗന്ധം ...
മത്തുപിടിപ്പിക്കുന്ന മധുചഷകം 
ആവോളം നുകരുവാൻ കൊതിക്കുന്നു ...
ഇനിയും നിന്നിലലിയാൻ എത്രനേരം .....
ഇളംതെന്നൽ നിന്നെ തലോടുമ്പോൾ
ഇടനെഞ്ഞിലൊരു വിങ്ങൽ നിറയുന്നു
വിറ യാർന്ന ദലപുടങ്ങളിൽ അധരങ്ങൾ
ചേർക്കുവാൻ ത്രസിക്കുമെൻ ഹൃദയം ...