കടലിലെ  പൊന്നിന്റെ  തിളങ്ങുന്ന സ്വപ്നവുമായി  നീങ്ങുന്ന ഈ  മുക്കുവരോടൊപ്പം  ...

ഇവിടെ  പൊഴിഞ്ഞ  ഇലകള്‍ക്ക്  പകരം  അങ്കുരിക്കുന്ന  പുതിയ  മുകുളങ്ങളെ  തേടിയുള്ള

പ്രതീക്ഷയുടെ  മനോഹരമായ  മാര്‍ച്ചിന്റെ യാത്ര ...!!!

ഫെബ്രുവരിയുടെ വിടവാങ്ങല്‍ ...!!!


നീണ്ട നാല് വര്‍ഷത്തിനു ശേഷം കിട്ടിയ ഒരു ഭാഗ്യം ..


സുന്ദരമായിരുന്നു ദിവസങ്ങള്‍....


സ്നേഹിച്ചും പരിഭവിച്ചും കരഞ്ഞും ചിരിച്ചും 


പങ്കിട്ട നിമിഷങ്ങള്‍ ...വേര്‍പാടിന്റെ വേദന


മനസ്സിനെ വീര്‍പ്പു മുട്ടിക്കുന്നു ..ഇനി പരസ്പരം 


കാണാന്‍ ഇനിയും നാല് വര്‍ഷങ്ങള്‍ .
.
ഇനിയുള്ള വരവില്‍ ആരൊക്കെ എന്തൊക്കെ എനിക്ക്


നഷ്ടമാവും ...എത്ര മുഖങ്ങള്‍ എന്നില്‍ നിന്നും മറയും?


ഒഴുകി വരുന്ന കണ്ണ് നീര്‍ തുള്ളികള്‍ തുടയ്ക്കുവാന്‍ 


കഴിയാതെ വിതുമ്പുന്ന പാവം ഫെബ്രുവരിയുടെ 


ദുഃഖത്തില്‍ നമുക്ക് പങ്കു ചേരാം ..ആശ്വസിപ്പിക്കാം


ഒരു നല്ല തുടക്കവുമായി എത്തുന്ന അവള്‍ക്കുവേ


ണ്ടി...ശുഭാപ്തി വിശ്വാസത്തോടെ കാത്തിരിക്കാം ...!!!

മറവിയുടെ മടിത്തട്ടില്‍ നിന്നും 

മിന്നാമിന്നുകളെ പോലെ ഇടയ്ക്കിടെ

മിന്നിമായുന്ന കുറെ മുത്തുകള്‍

മറക്കാനാവില്ല ഒരിക്കലും എന്നു വിളിച്ചോതുന്നു 

ഫെബ്രുവരി കഴിയാന്‍ ഇനി ദിവസങ്ങള്‍ മാത്രം 

പക്ഷെ തണുപ്പ്  ഇനിയും തുടരുകയാണ് 

തിളങ്ങുന്ന വെയിലില്‍ തണുത്ത കാറ്റിന്‍റെ

തലോടല്‍ ..രോമകൂപങ്ങളില്‍ ഇഴുകി ചേരുന്ന 

ഈറന്‍ അനുഭൂതി...!!!

സൂര്യന്‍ തന്‍റെ ഹൃദയം നിറഞ്ഞ പ്രകാശരശ്മി കളാല്‍

ഭൂമിയെ തഴുകുമ്പോള്‍ ..പ്രണയാതുരയായ ഭൂമി ആ 

ആശ്ലേഷത്തില്‍ തരളിതയാകുമ്പോള്‍...""... ശീതള ശ്ചായയില്‍

മയങ്ങുവാന്‍ കൊതിക്കുന്ന മനോഹരിയായ 

ഭൂമിയെ  ശീത മാരുതന്‍ തന്‍റെ  കോമള കരങ്ങള്‍ കൊണ്ടു 

പ്രേമപൂര്‍വ്വം തലോടുന്നു...!!!  

 

മറക്കാനാവാത്ത ഒരു സായാഹ്നം ....!!!

ഒരു സൌഹൃദ സന്ദര്‍ശനത്തിനായി മീനുവിനെ കാണാന്‍ കൂട്ടുകാരി ഉസ്മയോടൊപ്പം 

എത്തിയതായിരുന്നു സെഹ്ഗല്‍ ബംഗ്ലാവില്‍ ...പക്ഷെ മീനു സുഖമില്ലാത്ത സഹോദരനെ 

കാണുവാനായി പോയത് കാരണം ഞങ്ങളുടെ സന്ദര്‍ശനം വിഫലമായി ..കൂട്ടുകുടുംബം 

ആയതിനാല്‍ മറ്റൊറു മരുമകള്‍ ഞങ്ങളെ സ്വീകരിച്ചിരുത്തി ...നര്‍മ സംഭാഷണം നടക്കുന്നതിനിടയില്‍ 

 അപ്രതീക്ഷിതമായ ഒരു ശബ്ദം ഞങ്ങളെ ഞെട്ടിച്ചു ..  ഞങ്ങള്‍ പരസ്പരം നോക്കി ..എന്താണ്..

എവിടുന്നാണീ ശബ്ദം?..ഞങ്ങളുടെ മുഖത്ത് ഉദിച്ച ചോദ്യം മനസ്സിലാക്കിയ വീണ ഭാഭി പറഞ്ഞു ..

"അത് ഞങ്ങളുടെ പാപ്പാജി ആണ്...ഇപ്പോഴും ഇങ്ങനെയാ...പ്രീതിയോടുള്ള ദേഷ്യം കാണിക്കയാണ്."

"പാപ്പാജിക്ക് എന്ത് പറ്റി..സുഖമില്ലേ?"

"എന്ത് പറയാനാ..ആര്‍ക്കും ഒരു സ്വസ്ഥതയും കൊടുക്കില്ല..ആരെയും സ്വതന്ത്രമായി ജീവിക്കാന്‍ 

അനുവദിക്കില്ല..ഇപ്പോള്‍ ശരീരം വഴങ്ങില്ല ..അതിനാ ഈ ഒച്ച വയ്ക്കല്‍"""... ..................................,,,വീണ പറഞ്ഞു നിര്‍ത്തി 

"ഞങ്ങള്‍ക്കൊന്നു കാണാമോ?" ഞാന്‍ ചോദിച്ചു.

"അതിനെന്താ കണ്ടോളൂ"...പാപ്പാജിയുടെ മുറിയിലേക്കുള്ള വഴി കാണിച്ചു വീണ മടങ്ങി    

ഇടുങ്ങിയ ഇടനാഴിയിലൂടെ തളം കെട്ടിയ ഇരുട്ടിലൂടെ നടക്കുമ്പോള്‍ വല്ലാത്ത ഒരു ഗന്ധം 

മനം മടുപ്പിക്കുന്ന ഗന്ധം ..അകത്തേക്ക് കയറണോ വേണ്ടയോ?..ആശങ്ക തോന്നി ..

വലിഞ്ഞടയുന്ന കതകു തുറന്നു അകത്തേക്ക് പ്രവേശിച്ചപ്പോള്‍ പ്രേത രൂപം പോലെ 

ഒരു വൃദ്ധന്‍ ..കുനിഞ്ഞു കട്ടിലിന്‍റെവക്കില്‍ പിടിച്ചു നില്‍ക്കയാണ്‌ ...തറയില്‍ വീണു കിടക്കുന്ന 

വടി എടുക്കുവാന്‍ ശ്രമിക്കയാണ് ...മുറിയില്‍  സാംബ്രാണി എരിയുന്നു..പക്ഷെ അതിന്‍റെസുഗന്ധം 

മരുന്നും എണ്ണയും  നിര്‍ജീവമാക്കുന്നു..നാല് വശവും അടച്ചിട്ട കതകുകളും ജനാലകളും ...

എനിക്ക് നന്നേ ശ്വാസം മുട്ടി ... ഈ മുറിയില്‍ താമസിക്കുന്നവര്‍ക്ക് എങ്ങനെ അസുഖം വരാതിരിക്കും ?

കാറ്റും വെയിലും കയറാത്ത ഇരുട്ടറ..അതില്‍ നിറയെ സാധനങ്ങളും ...നിധി കാക്കുന്ന ഭൂതം പോലെ ആ 

വൃദ്ധനും ...തലയണക്കരുകില്‍ ഒരു കൂട്ടം താക്കോലുകള്‍ ...ഭിത്തിയില്‍ എല്‍ ഈ ടിയില്‍ ക്രിക്കറ്റ് കളി നടക്കുന്നു 

തറയില്‍ നിന്നും വടി എടുത്തു നിവര്‍ന്ന പാപ്പാജി സൈഡ് അലമാരയില്‍ നിന്നും സ്വീറ്റ്സ് എടുത്തു ഞങ്ങള്‍ക്ക് 

തന്നു..സംസാരിക്കാന്‍ ആളിനെ കിട്ടിയ സന്തോഷം ആ വിളറിയ മുഖത്ത് അലയടിക്കുന്നുണ്ടായിരുന്നു ....അതുവരെയും 

ഇരിക്കാതിരുന്ന എന്നെ നിര്‍ബന്ധിച്ചു പിടിച്ചിരുത്തി ...പറഞ്ഞു തുടങ്ങി ..."നിങ്ങള്‍ക്കറിയുമോ ..ഭാരത്‌ പാകിസ്ഥാന്‍ വിഭജന

സമയത്ത്..ലാഹോറില്‍ നിന്നും പലായനം ചെയ്തുവന്നതാണ് ഞാന്‍.......,,,.ചാന്ദ്നീ ചൌകിലെ ഗലികളില്‍ അന്തിയുറങ്ങി ...

കൈയ്യില്‍ ഉണ്ടായിരുന്ന തുച്ചമായ പൈസ കൊടുത്തു വാങ്ങിയ ആയിരത്തി ഒരുനൂറു ഗജ് ഭൂമിയാണിത് ...ഇന്ന് ഇതിന്‍റെ

വില നാല്‍പ്പതിയഞ്ചു കോടി രൂപയാണ് ...ആലോചിച്ചു നോക്കു...ഇത്രയും രൂപ കയ്യില്‍ വച്ച് എണ്ണുന്ന നിമിഷം ...ഹോ ..ആലോചിക്കുമ്പോള്‍ 

തന്നെ രോമാഞ്ചം വരുന്നു ..." കുഴിഞ്ഞു താണ കണ്ണുകളില്‍ തെളിയുന്ന അടങ്ങാത്ത അഭിനിവേശം ...ശ്വാസം വലിക്കാന്‍ പാട് പെടുമ്പോഴും 

പൈസ എന്ന ശബ്ദത്തോടുള്ള ആര്‍ത്തി ...ആ ദേഹം വലിഞ്ഞു മുറുകുന്ന പോലെ ...എന്തൊക്കെയോ ഇനിയും നേടാനുള്ള അടങ്ങാത്ത

ദാഹം ആ കണ്ണുകളില്‍ ...ഒരു വടിയുടെ സഹായത്തിലാണ് നില്‍ക്കുന്നത്..തനിയെ വസ്ത്ര ധാരണം വരെ ബുദ്ധിമുട്ടാണ് ...എന്നിട്ടും 

വിറയ്ക്കുന്ന വിരലുകളില്‍ പൈസ എണ്ണി തിട്ടപ്പെടുത്താനുള്ള ആര്‍ത്തി നിറയുന്നു ...

ആ മനുഷ്യനെ ദിവാസ്വപ്നത്തില്‍ നിന്നും പുറത്തു കൊണ്ട് വരുവാന്‍ ഒരു ചെറിയ ശ്രമം നടത്തിയാല്‍ എന്താ എന്നൊരു ആശയം 

മനസ്സില്‍ ഉദിച്ചു ..."പാപ്പാജി...ഇതൊക്കെ വിട്ടേക്ക് ...നമുക്ക് വേറെ വല്ലതും പറയാം ...പുറത്തേക്കൊന്നു നടന്നാലോ?...എന്‍റെ കൂടെ ..."

"വരണമെന്നുണ്ട് ...പക്ഷെ ഇതൊക്കെ ഇങ്ങനെ വിട്ടിട്ടു വരാന്‍ പറ്റില്ല ...എല്ലാവരും നോക്കിയിരിക്കുകയാ...ഞാന്‍ കഷ്ടപ്പെട്ട്

ഉണ്ടാക്കിയതാ ഇതൊക്കെ..ഭാര്യ സ്വര്‍ഗസ്തയായി ...ഇനി എന്‍റെ ഊഴം കാത്തിരിക്കുകയാ എല്ലാവരും ...അത്ര പെട്ടെന്ന് ഒന്നും 

വിട്ടു കൊടുക്കില്ല ..." താക്കോല്‍ കൂട്ടത്തെ മുറുകി പിടിച്ചു കൊണ്ട് പാപ്പാജി പറയുകയാണ്‌ ...

പാപ്പാജിയോടു യാത്ര പറഞ്ഞു മുറിയില്‍ നിന്നും പുറത്തേക്കു കടക്കുമ്പോള്‍ അന്തി മയങ്ങുകയായിരുന്നു ..

ഉസ്മ പറഞ്ഞു ..വാര്‍ധക്യം എത്ര ദയനീയമാണ് അല്ലെ ചേച്ചി? ..പാവം പാപ്പാജി ...

ഈശ്വരനില്‍ എല്ലാം സമര്‍പ്പിച്ചു സ്വസ്ഥമായ വാര്‍ധക്യത്തിന്റെ സുഖം അനുഭവിക്കാന്‍ ശ്രമിക്കാതെ

ഇനിയും എന്തൊക്കെയോ കയ്യടക്കാന്‍ സ്വപ്നം കാണുന്ന തിമിരം ബാധിച്ച കണ്ണുകളില്‍ നിറയുന്ന ആര്‍ത്തിയില്‍

മരുമക്കളുടെയും ചെറു മക്കളുടെയും സ്വപ്‌നങ്ങള്‍ തകര്‍ന്നടിയുന്നു ..മരണത്തിന്‍റെ മെതിയടി ശബ്ദം അടുത്ത് വരുമ്പോഴും 

ജീവിത കാഹളത്തിന് ചെവിയോര്‍മിക്കുന്ന ആ വൃദ്ധനെ സഹതാപത്തോടെ അല്ലാതെ എങ്ങനെ നോക്കാന്‍ കഴിയും?

തൃക്കടവൂരില്‍  വാഴും ശ്രീമഹാദേവന്‍ തന്‍

തിരുവടിയുടെ കൊടിമരത്തില്‍ 

തിരുവാതിര നക്ഷത്രം തിളങ്ങുമ്പോള്‍ 

തൃപ്പാദം വണങ്ങുവാന്‍ തിരുസന്നിധാനത്തില്‍ 

തിരക്കു കൂട്ടുംഭക്തജനങ്ങളില്‍ 

തൃക്കടവൂരപ്പന്‍ തന്‍റെകൃപാകടാക്ഷം ചൊരിയേണമേ ..!!!

बेचैन दिल ...!!!

कई दिनों से दिल में हलचल मच रही थी 

कारण बताए तो  क्या बताऊँ II

कैसे दिल को समझाऊँ.. पता नहीं 

कोई तो बात है ये मुझे एहसास है पर II

क्या करूँ मैं  दिल से बेचैन हूँ  

कहे कैसे मुझे हुआ क्या है II   

ഇന്നത്തെ ചിന്താവിഷയം ..!!!

പ്രശ്നങ്ങളും പ്രതിസന്ധികളും ജീവിതത്തിന്‍റെ ഭാഗമാണ്.

ആര്‍ക്കും അവയില്‍ നിന്നും ഒഴിഞ്ഞു നില്‍ക്കാവുന്നതല്ല .

അവയുടെ രൂപവും ഭാവവും വ്യത്യസ്തമായിരിക്കുന്നു 

എന്നു മാത്രം.

നമ്മുടെ പ്രതിസന്ധികളെയും പ്രശ്നങ്ങളെയും നമ്മുടെ നന്മയ്ക്കായി 

ദൈവം എപ്രകാരമാണ് രൂപാന്തരപ്പെടുത്തുക ...

1.To Direct You .....ശരിയായ ദിശാബോധം വരുത്തുവാന്‍ ...

2.To Inspect You ...ആത്മ ശോധന നടത്തുവാന്‍ ...

3.To Correct You...തിരുത്തല്‍ വരുത്തുവാന്‍ .....

4.To Protect You...സംരക്ഷണം നല്‍കുവാന്‍ ......

5.To Perfect You...ഔന്നത്യത്തിലേക്കുയരാന്‍... 

മറ്റുള്ളവരുടെ പ്രയാസങ്ങളിലും പ്രശ്നങ്ങളിലും സഹതാപം 

കാണിക്കുവാനും, അഹന്തയിലുംസ്വയത്തിലും ഊന്നിയുള്ള   

ജീവിതത്തില്‍ നിന്നും മോചനം നേടുവാനും ദൈവം മാത്രമാണ് 

നമ്മുടെ പരമമായ ആശ്രയവും ആശ്വസവുമെന്നു തിരിച്ചരിയുവാനുമെല്ലാം 

പ്രതിസന്ധികള്‍ നമ്മെ പ്രാപ്തരാക്കുന്നു .  നേരിട്ട ദുരന്തങ്ങളും 

രോഗത്തിന്‍റെ കടന്നാക്രമണങ്ങളുംവേര്‍പാടിന്റെ തീവ്രവേദനയും 

സാമ്പത്തിക പ്രതിസന്ധികളും ഒക്കെയാണ് തന്നെ വിശ്വാസ ജീവിതത്തില്‍ 

ശക്തിപ്പെടുത്തിയത് എന്നും സാക്ഷിക്കുവാന്‍ പലര്‍ക്കും കഴിയും .

ദൈവം നമ്മുടെ സ്വഭാവത്തെയാണ്‌ നോക്കുന്നത് .നമ്മുടെ സ്വഭാവവും 

ദൈവത്തോടുള്ള നമ്മുടെ ബന്ധവും മാത്രമേ നന്മയിലേക്കും നിത്യതയിലേക്കും

നമ്മെ നയിക്കൂ ..!!!!

സുപ്രഭാതം  ശുഭദിനം നേരുമ്പോള്‍ 

ശുഭ സായാഹ്നം ശുഭ രാത്രിക്ക് സ്വാഗതമോതുന്നു ...

സുരഭില യാമങ്ങളുടെ സ്വപ്‌നങ്ങള്‍ 

സുപ്രഭാതത്തിന്റെ വര്‍ണപ്പകിട്ടാര്‍ന്ന പ്രതീക്ഷയില്‍......!!!!!....!""""........

"പ്രണയം ...പൂവിടുമോ?"

ഇടവഴിയിലൂടെ നീ നടന്നു നീങ്ങുമ്പോള്‍ 

ഇമയനക്കാതെ ഞാന്‍ നോക്കി നിന്നു

ഇലഞ്ഞി പ്പൂവിന്‍ ഗന്ധം നിന്നെ തഴുകുമ്പോള്‍ 

ഇലയനക്കം അറിയിക്കാതെ ഞാന്‍ ചാരെ നിന്നു

നിന്നെ പുണരുന്ന തളിരിളം കാറ്റില്‍ 

എന്‍ ചുടുനിശ്വാസം ലയിച്ചിരുന്നു 

നിന്‍റെ മിഴികളില്‍ തിളങ്ങും സ്വപ്നങ്ങളില്‍ 

എന്‍റെ പ്രണയം ചിറകു വിരിച്ചിരുന്നു

ഇതുവരെയും പറയാതെ മനസ്സില്‍ ഒതുക്കി 

ഇത്രയും നാള്‍ ഞാന്‍ കാത്തിരുന്നു ...

എന്‍റെ പ്രണയം ഒരു കവചമായി നിന്നെ 

പൊതിയുമ്പോഴും  പ്രിയനേ നീയെന്‍ 

പ്രണയത്തിന്‍ കവിതകള്‍ വിരിയും മിഴിയിലെ 

മൃദുല വികാരം എന്തെ അറിഞ്ഞില്ല..!!!

സൂര്യനെ പ്രേമിച്ച പുല്‍ക്കൊടിയുടെ 

ഹൃദയത്തിന്‍ വ്യഥ പോല്‍ എന്‍റെ പ്രേമം 

പൂവണിയാതെ മണ്ണില്‍ അടിഞ്ഞിടുമോ? അതോ

സൂര്യകാന്തിയെ പോലെ അഭിമുഖിയാകുമോ?

 

 ആല്‍ത്തറ  കവിത വിഷയം .."പ്രണയം"

ഒളിപ്പിച്ചു വച്ച മയില്‍ പീലികള്‍ പുറത്തെടുത്തപ്പോള്‍ 

ഓര്‍മയുടെ വഴിത്താരയില്‍ 

ഒളിഞ്ഞും മറഞ്ഞും ചിന്നി ചിതറി കിടക്കുന്ന 

ഓര്‍മകളുടെ വളപ്പൊട്ടുകള്‍ ....!!!

മഞ്ചാടി മണികളുടെ നിറമുള്ള ...

മധുരിക്കുന്ന ഓര്‍മ്മകള്‍ ...

ഒഴിഞ്ഞു മാറാനാകുമോ നമുക്കീ 

ചെപ്പില്‍ ഒളിപ്പിച്ച സ്വപ്നങ്ങളില്‍ നിന്നും ...!!!

दादी का आशीर्वाद ...

हवा ऐसी चली 

हालात हुई मेरी खराब ...

हालचाल जानने आई गगन की दादी 

हँसते  मुस्कुराते कुछ पल बीती ...I

हमने पुछा, " अचानक कैसे आई दादी ? "

"हर दिल में जगह बनाने वाली ,तुमसे मिलने 

हम कैसे नहीं आती I "..बोली दादी 

हाथ जोड़कर प्रणाम किया हमने दादी को 

हमें गले लगाकर आशीर्वाद दिया ...और बोली 

"हमेशा तुम खुश रहो ..और खुशियां बाँटते रहो..."

നിദ്രയില്‍ നിറമുള്ള സ്വപ്‌നങ്ങള്‍ കണ്ടുണര്‍ന്ന ഞാന്‍

നിറമുള്ള പ്രഭാതത്തെ മോഹിച്ചു .....പക്ഷെ 

നിഴലുകള്‍ നിറങ്ങളെ ആവാഹിച്ചു ..എന്നെ 

നിര്‍വികാരയാക്കി നിര്‍ദയം സൂര്യനും മടങ്ങി  

"आज जंगल है कहां?"

മോള്‍ക്ക്‌ ക്ലാസ്സില്‍ ചൊല്ലാന്‍ വേണ്ടി എഴുതിയ 
ഹിന്ദി കവിത ....വായിക്കുക .


बरसे मेघा रेगिस्थान में 
आज जंगल है कहां ?
पूछ रहा है बच्चे सारे 
आज जंगल है कहां?

हमें बचाना धरती माँ को
हमें बनाना सुन्दर इसको I
हरी भरी और स्वस्थ बनाएं
हवा की ढंडी खुशबु फैलाएं II

चलो लगायें पेड़ पौधें
करे सफाई घर बाहर की I
मिल जुल कर हम काम करेंगे
खिलेंगे सुन्दर गुल यहां ...II

"ഇല കൊഴിഞ്ഞ മരച്ചില്ലയില്‍ ഇരുന്നു പാവം കിളി ചിന്തിച്ചു ...

ഇന്നലെ ഈ മരത്തിനു എന്ത് ഭംഗി ആയിരുന്നു ....പക്ഷെ 

ഇന്നോ?...ജീവിതം നഷ്ടപ്പെട്ട ഒരു പേക്കോല മായി ..നിര്‍ജീവമായ 

ഈ ജീവിതത്തിലെ.. ഉത്തരമില്ലാത്ത ചോദ്യത്തെ പോലെ വികൃത രൂപിയായി 

ഇരന്നു വാങ്ങുവാനെന്ന വണ്ണം ആകാശത്തേക്ക്കൈകള്‍ നീട്ടി ..!!!

ഇനി   ഞാന്‍ എവിടെയാണ് അഭയം തേടേണ്ടത് ..? "