പ്രപഞ്ച പുരുഷന് എന്ന ഭാവത്തില് ഭക്തര് ആരാധിക്കുന്ന
പരമശിവന്റെ ശിവരാത്രിയെ മനുഷ്യമനസ്സില് നിന്നും മാറി ,
പ്രകൃതിയുടെ ഭാവത്തിലേയ്ക്ക് അല്പമൊന്നു കടന്നു ചെല്ലാം .
മനുഷ്യന് മാത്രമല്ല പ്രകൃതിയിലെ സകലജീവജാലങ്ങളും
ശിവരാത്രി തിരിച്ചറിയുന്നു എന്നത് ഭക്തരെല്ലാം തിരിച്ചറിയേണ്ട
കാര്യമാണ്. ഇത് വിശ്വാസമല്ല ദൃഷ്ടാന്തമാണ്. അറിവായ നാള്
മുതല് തിരിച്ചറിഞ്ഞ പ്രപഞ്ച സത്യമാണീ പ്രകൃതിയുടെ
ഭാവപ്പകര്ച്ച....
നിത്യവും രാത്രിയില് രാക്കിളികള് കരയുന്നത്, കടവാവലുകള്
ചിറകടിച്ചു പറക്കുന്നതും മൂങ്ങ മൂളുന്നതുമൊക്കെ ഗ്രാമവാസികള്ക്ക്
പരിചിതമാണ്. എന്നാല് ശിവരാത്രി നാള് രാത്രിയില് രാക്കിളികള് ചിലയ്ക്കാറില്ല.
കടവാവലുകള് ഇരുട്ടിനെ വെളിച്ചമാക്കി പറക്കുന്നത് കാണാറില്ല.
മലയോരങ്ങളെ ഇളക്കിമറിച്ചു കരിയിലകൂമ്പാരവുമായി എത്തുന്ന
മലയമാരുതന് ശിവരാത്രിനാളില് ആഞ്ഞു വീശില്ല.ശിവരാത്രിയില്
ഇലകള് പോലും ഇളകില്ല എന്നാണു പറയുക...രാത്രിയിലെ പ്രകൃതി
നമുക്ക് കാണാനാവില്ല.ശിവരാത്രിപ്പിറ്റെന്നു രാവിലെ മുറ്റത്തെയ്ക്ക് നോക്കിയാല്
നിശ്ചലമായി നില്ക്കുന്ന (ഇലകള് ഇളകാതെ) പ്ലാവും, മാവുമൊക്കെ ഇന്നും നമുക്ക്
കാണാവുന്നതാണ് .പ്രകൃതിയിലെ ഓരോ ചരാചരവും തിരിച്ചറിയുന്ന
ഭക്തിപ്രവാഹമാണ് മാഘമാസത്തിലെ കറുത്ത പക്ഷ ചതുര്ദ്ദശി.
ശിവരാത്രി നാളില് ശാന്തമായി ഒരു നിമിഷം ശിവനെ ഭജിച്ചാല്
ഈ ജന്മപാപവും ജന്മജന്മാന്തര പാപവും മാറുമെന്നാണ്
വിശ്വാസം.
സകല ചരാചരങ്ങള്ക്കും ശിവമരുളുന്ന പരമശിവനെ ശിവരാത്രിനാളില്
പ്രപഞ്ചഭാവത്തില് മോക്ഷപ്രാപ്തിക്കായി ഭജിക്കാം...
