"അനുരാഗത്തിൽ ഒരു ലഹരിയുണ്ട് ...നുറുങ്ങിയ ഹൃദയത്തിന്റെ 
നൊമ്പരങ്ങളിലും ആത്മപീഡയിലും 
ഒരാനന്ദമുണ്ട് ....
മൌനത്തിനു പോലും സംഗീതമുണ്ട്...
അതുകൊണ്ട് വെറുതെ വിട്ടേക്കുക ..
ഏകാന്തതയുടെ വഴിയമ്പലങ്ങളെ ....!!!"

"കടൽതീരത്തു വിരൽ  കൊണ്ട് വരയ്ക്കുന്ന കളിവാക്കുകൾ
തിരകൾ വന്നു ആഴങ്ങളിലേക്ക് കൊണ്ടുപോകും....
എഴുതി മുഴുമിക്കാത്ത കവിതകളായി
കാലങ്ങളോളം അവ കടൽച്ചിപ്പിയിൽ ഉറങ്ങിക്കിടക്കും ...
അങ്ങനെ എഴുതി മുഴിമിക്കാത്ത എത്രയോ കവിതകളും കഥകളും ...
ആർത്തിരമ്പി കരയോട് പറയുവാൻ ഓടിയെത്തുന്ന
തിരമാലകളുടെ മുന്നിൽ ..വീണ്ടും വരച്ചിട്ട കളിവാക്കുകൾ...."

ഒരു മഞ്ഞു തുള്ളി പോലെ
കഴുത്തിൽ ഉരുണ്ടു കൂടിയ
വിയർപ്പു തുള്ളിയിൽ
പ്രണയത്തിന്റെ ഉപ്പുരസമോ.....
അലസമായി വീശുന്ന കാറ്റിൽ
ഒരു പ്രണയഗാനത്തിന്റെ
ഈരടി കേൾക്കുന്നു....
അതെന്റെ ഹൃദയം ഏറ്റുവാങ്ങുന്നു
ഒരു പൂവിൽ ശലഭം പോലെ
അതെന്നിലേക്ക് ആഴ്ന്നിറങ്ങുകയാണ് ...
വല്ലാത്തൊരു അവസ്ഥയിലേക്ക്
എന്നെ നീയെത്തിച്ചു ..... 

എന്റെ വിരൽതുമ്പിൽ പിടിച്ചു നടക്കുന്ന
നിന്റെ തണുത്തുറഞ്ഞ സ്വപ്നങ്ങളിൽ
ഒരു തീക്കാറ്റായി പ്രണയം പെയ്യണം 
പ്രണയത്തിന്റെ തീക്കാറ്റ്...
നീയതു അനുഭവിച്ചു തുടങ്ങിയതായി 
ഞാൻ അറിയുന്നു....എങ്ങനെയെന്നോ ...
നിന്റെ നെഞ്ഞിടിപ്പിന്റെ താളത്തിലൂടെ
നിന്നിലെ നീ എന്നിൽ എത്തുന്നുണ്ട് ...
ആ നീറ്റലും...ഹൃദയം പെരുമ്പറ കൊട്ടുകയാണ് 
അതിലേക്കു ഞാനെന്നെ ചേർത്തു പിടിക്കാം....
മൌനവും പൊട്ടാൻ നില്ക്കുന്ന പോലെ
പിടയുന്ന നീ ഏതു ഗാനമാണ്

മൌനത്തിന്റെ ഭാഷയോടെ മനസ്സ് 
ചിലപ്പോൾ എന്തെങ്കിലും സ്വീകരിക്കുന്നുണ്ടാവും 
നാം വല്ലാതെ മൌനികളാകുന്നു ...
മഴയ്ക്ക്‌ മുൻപുള്ള മണ്ണിന്റെ വരൾച്ച പോലെ 
പ്രണയമാണെങ്കിൽ മനസ്സ് 
ആദ്യമൊന്നു വരണ്ടു പോകും 
അത് വന്നു കയറിയാൽ 
പിന്നെ വരൾച്ചയെല്ലാം പോകും 
അതെ...പിന്നെയൊരു നീറ്റൽ..
ഉള്ളിലാകെ വിരൽസ്പര്ശങ്ങൾ 
എവിടെയൊക്കെയോ ..
വരണ്ടു കിടന്ന ഹൃദയത്തിനു
ഇപ്പോഴൊരു തുടിപ്പുണ്ട് ..
ഇലക്കുമ്പിളിൽ കെട്ടിക്കിടക്കുന്ന
മഞ്ഞു തുള്ളിപോലെ ...
പുറത്ത് ചാടാൻ വെമ്പുന്ന
ഒരു നിശ്വാസം പോലെ ..
തൊണ്ടയിൽ കുടുങ്ങി നില്ക്കുന്ന
തണുത്ത കാറ്റ് പോലെ ...
അറിയാത്തൊരു ഗാനമായി
അതിങ്ങനെ പുറത്തേയ്ക്കൊഴുകാൻ
വെമ്പുന്നു ....