"അനുരാഗത്തിൽ ഒരു ലഹരിയുണ്ട് ...നുറുങ്ങിയ ഹൃദയത്തിന്റെ 
നൊമ്പരങ്ങളിലും ആത്മപീഡയിലും 
ഒരാനന്ദമുണ്ട് ....
മൌനത്തിനു പോലും സംഗീതമുണ്ട്...
അതുകൊണ്ട് വെറുതെ വിട്ടേക്കുക ..
ഏകാന്തതയുടെ വഴിയമ്പലങ്ങളെ ....!!!"

"കടൽതീരത്തു വിരൽ  കൊണ്ട് വരയ്ക്കുന്ന കളിവാക്കുകൾ
തിരകൾ വന്നു ആഴങ്ങളിലേക്ക് കൊണ്ടുപോകും....
എഴുതി മുഴുമിക്കാത്ത കവിതകളായി
കാലങ്ങളോളം അവ കടൽച്ചിപ്പിയിൽ ഉറങ്ങിക്കിടക്കും ...
അങ്ങനെ എഴുതി മുഴിമിക്കാത്ത എത്രയോ കവിതകളും കഥകളും ...
ആർത്തിരമ്പി കരയോട് പറയുവാൻ ഓടിയെത്തുന്ന
തിരമാലകളുടെ മുന്നിൽ ..വീണ്ടും വരച്ചിട്ട കളിവാക്കുകൾ...."