മഴയുടെ താളത്തില് മെല്ലെ തലയാട്ടുന്ന
കുഞ്ഞിലകളുടെ തുമ്പില്
തുള്ളിക്കളിക്കുന്ന മഴത്തുള്ളികള് ...
അതെന്റെ മനസ്സിലെക്കൂളിയിട്ടിറങ്ങി ...
പൊള്ളുന്ന ചൂടില് നിന്നും സാന്ത്വനമായെത്തിയ
മഴയുടെ തലോടല്...ഒരു തൂവല് സ്പര്ശം പോലെ
തഴുകിയെത്തിയ ഇളം കാറ്റില് താളലയങ്ങള് ഈണം മൂളി ..
ഒരു ജന്മ പുണ്യമായ് എന്നില് നിറയുന്ന അനുഭൂതിയില്
ഓരോ നിമിഷങ്ങളും യുഗങ്ങളായി അനുഭവപ്പെടുന്നു ...
എന്റെ സ്വകാര്യതയില് ഒരു കുളിര് കാറ്റ് പോലെ എന്നെ
തലോടുന്ന ഒരു സ്നേഹ സ്പര്ശമായി ..നിര്വൃതിയായി...
തിളങ്ങുന്ന മിഴികളില് ..വിരിയുന്ന സ്വപ്നമായി..ശ്രുതി
ചേര്ന്നോരീണമായി എന്നില് നിറയുന്നു ...
നൊമ്പരത്തിന് ബാഷ്പ ബിന്ദുക്കള് അലിഞ്ഞു പോയി ..
ശിഥില സ്വപ്നങ്ങള്ക്ക് വിട ചൊല്ലി ഞാനീ കുളിര് കാറ്റിന് തലോടലില്
ഇവിടെ ഇങ്ങനെ....
No comments:
Post a Comment