അമ്മയുടെ മുഖത്ത് നിന്നാണ് കുഞ്ഞുങ്ങള് അറിവിന്റെ
"ഹരിശ്രീ" കുറിക്കുന്നത്..എന്നാല് ഒരു കുഞ്ഞിന്റെ പ്രഥമ വിദ്യാലയം
അതിന്റെ ഭവനം ആണെന്ന സത്യം അധികം പേരും വിസ്മരിച്ചു പോകുന്നു ...
അവിടെയാണ് പ്രാഥമിക പഠനം തുടങ്ങുന്നത്..സ്ഥായിയായ പല പരിശീലനങ്ങളും
കുഞ്ഞുങ്ങള്ക്ക് കിട്ടുന്നത് അവരുടെ പ്രഥമ അധ്യാപികയായ അമ്മയില് നിന്നാണ് ...
ജീവിതത്തില് നേട്ടങ്ങള് വരിച്ചിട്ടുല്ലാവരും ഔന്നത്യം കൈ വരിച്ചവരുമായ അനേകര്ക്കും
അവരുടെ ഭവനം "ഉത്തമ വിദ്യാലയം" എന്നും പ്രഥമാധ്യപിക "അമ്മ" എന്ന് തന്നെയാണ്
പറയാനുള്ളത് ..
ഭവനത്തിലെ ആഡംബരപൂര്വമായ സുഖസൌകര്യങ്ങളോ സജ്ജീകരണങ്ങളോ
അല്ല പ്രധാനം ...ഭവനാന്തരീക്ഷമാണ് സര്വപ്രധാനം...അവിടെ നിലനില്ക്കുന്ന സ്നേഹത്തിന്റെയും
കരുതലിന്റെയും പരസ്പര സഹകരണത്തിന്റെയും അന്തരീക്ഷം ജീവിതത്തിന്റെ
പ്രാഥമിക പാഠങ്ങള് ഗ്രഹിക്കാന് സഹായിക്കുന്നു ..
ഔദ്യോഗിക കര്ത്തവ്യങ്ങളും ഭവനത്തിലെ ഉത്തര വാദിത്തങ്ങളും അവ ഉയര്ത്തുന്ന
ജോലിത്തിരക്കുകള്ക്കിടയിലും മക്കളുടെ ആവശ്യങ്ങള്ക്കും പഠന കാര്യങ്ങള്ക്കും
സമയം കണ്ടെത്തിയേ മതിയാവൂ..അത് മറ്റാരിലേക്കും കൈമാറാവുന്നതല്ല...വനിതാ പങ്കാളിത്തം
എല്ലാ മേഖലകളിലും മുന്നേറിക്കൊണ്ടിരിക്കുന്ന ഈ സമയത്ത് സ്വന്തം ഭവനത്തോടും സ്വന്തം
മക്കളോടും ഉള്ള കര്ത്തവ്യങ്ങളെ വിസ്മരിക്കാതിരിക്കുക ...
ഉത്തമ വിദ്യാലയം ..ഭവനം ; അമ്മ ...പ്രധാമാധ്യാപിക എന്ന വാസ്തവം അനുസ്മരിക്കുക...
നമ്മുടെ കുഞ്ഞുങ്ങള് നല്ല പൌരന്മാരായി വളര്ന്നു വരട്ടെ ..!!!
No comments:
Post a Comment